Јувентус се засилува од Челзи

Јувентус би можел да го ангажира левиот бек на Челзи, Бен Чилвел  на позајмица во јануари.

„Бјанконерите“ сигурно ќе ја засилат дефанзивната линија по повредите на Хуан Кабал и Бремер, кои ќе бидат во аут до крајот на сезоната. Сепак, клубот на лето потроши многу на трансферите на Тун Копминерс и Даглас Луис, па во јануари ќе се фокусира само на позајмици.

Според „Тутоспорт“ Бен Чилвел е многу реална опција за левата бековска позиција. 27-годишниот Англичанец оваа сезона одигра само 45 минути и тоа во Карабао купот.

Енцо Мареска јасно стави до знаење дека нема да смета на него, па Челзи е спремен да го пушти на позајмица.