Јувентус го купува Киеза за крај на преодниот рок

Останаа уште неколку дена до крајот на преодниот рок, а раководството на Јувентус спрема вистинска „бомба“ за крај.

„Тутоспорт“ пренесува дека Јувентус работи на последниот трансфер во овој преоден рок, а тоа е ѕвездата на Фиорентина, Федерико Киеза.

„Бјанконерите“ сакаат прво да се ослободат од Даглас Коста и да направат место за Киеза, а дел од трансферот ќе го финансира и Даниеле Ругани, кој е на излезна врата.

Фиорентина ја отвори вратата за продажба на Киеза и бара 50 милиони евра, а Јувентус е спремен да ја плати таа сума.

Имено, „старата дама“ нуди 10 милиони евра за едногодишна позајмица, плус 40  милиони евра за откуп следното лето.