Ѓоковиќ после пласманот во третото коло на УС Опен ги загрижи фановите: Не сум чуствувал многу пати вака во кариерата

Новак Ѓоковиќ исплаши голем број свои фанови после мечот против легендарниот Игнасио Лондер во второто коло од УС Опен против кој оствари победа и се пласираше во третото коло.

После овој меч Новак даде по малку загрижувачка изјава.

„Морав себе си да си дадам време за да сфатам за каква повреда се работи. Вечерва влијаеше на мојата игра, посебно при сервисот. Не беше лесно да се игра со такво чуство во раката. Не сум почуствувал вакво нешто многу пати во кариерата. Исто така имав среќа што успеав да најдам начин да се вратам во мечот и да го завршам во три сета. Имав медицински тајм аут, на паузата се обидував да се снајдам за да ги испочитувам правилата за медицинската помош во текот на мечот“.

„Кон средината на првиот сет не бев сигурен дали ќе можам да го одиграм мечот до крајот. Навистина ми е мило што успеав. Ќе имам прегледи и се надевам дека следниот меч ќе го играм без болки“, изјави Ѓоковиќ.