Ѓоковиќ: Не можам да ветам дека во иднина нема повторно да ми се случи истото

Најголем дел од спортската јавност беше изненадена и сметаше дека Новак Ѓоковиќ е неправедно дисквалифкуван од УС Опен по инцидентот со судијката.

Јасно е дека на Ѓоковиќ му е криво за несреќниот случај, тоа можеше да се забележи и кога веднаш дотрча да помогне. Сепак, Новак призна дека не може да гарантира дека во иднина нема да му се повтори такво нешто.

„Нормално е дека е лошо што го заврши УС Опен на таков начин. Вакво нешто можеше да ми се случи и порано, можеше да им се случи и на многу други играчи. Беше несреќно што ја погодив судијката на незгодно место. Многу се зборуваше дали заслужив или не заслужив да бидам суспендиран. Ја прифатив и продолжив. Не можам да ветам и да гарантирам дека во иднина нема да ми се случи нешто нешто слично. Јас ќе дадам се од себе да не се повтори, но секогаш не можеме да ги контролираме работите“, изјави Ѓоковиќ.