„Ѓоковиќ е најголемиот губитник од коронавирусот“

Тениската сезона е суспендирана најмалку до 13. јули поради коронавирусот.

Откажани се некои големи турнири како Роланд Гарос (кој ќе се игра во септември) или Вимблдон. Исто така, откажана е комплетната сезона на трева како и неколку Мастерси во САД.

Славниот шведски тенисер Матс Виландер смета дека најголем губитник од оваа ситуацијата е Новак Ѓоковиќ кој претходно беше во налет на победи и освоени титули.

„Ѓоковиќ е најголемиот губитник во оваа ситуација. Не изгуби ниту еден натпревар од почетокот на сезоната и пандемијата го запре неговиот налет. Исто така и младите многу губат. Момците како Шаповалов, Циципас или Ожер Алисим не ги интересира тренингот, тие најдобро напредуваат со играње натпревари.“ – изјави Матс и додаде:

„Единствените кои профитираат се оние кои беа повредени после Австралија Опен. Кога сезоната ќе продолжи сите ќе тргнат од нула. Единствено што е лошо што не се знар кога тоа ќе биде.“

Ѓоковиќ од почетокот на сезона беше без пораз и ги освои Австралија Опен и Дубаи.