Што изјави Роналдо за Златната копачка во 2015 година?

Лионел Меси минатата сезона по рекорден шести пат ја освои Златната копачка која му беше доделена вчера.

Меси играше одлично во дресот на Барселона и го предводеше овој тим до титулата шампион на Шпанија. Аргентинецот беше најдобар стрелец во Европа со 36 голови поради што ја освои новата „Златна копачка“.

За Меси ова беше шеста Златна копачка со што стана рекордер бидејќи тоа не му успеало на никој претходно.

Роналдо оваа награда ја освои четири пати, а во 2015 година даде една изјава на која новинарите потсетија откако Меси шести пат стигна до оваа награда.

Тогаш Роналдо зад своето име имаше  четири Златни копачки и три Златни топки, додека Меси имаше пет Златни топки, но три Златни копачки. Но, Аргентинецот во претходните сезони го подобри својот голгетерски учинок и стигна до шест Златни копачки.

„Навистина ја сакам оваа награда. Тоа е најдобрата награда која еден фудбалер може да ја освои. Можат да ве изберат за најдобар фудбалер и да ви ја дадат Златната топка, но работата на напаѓачот е да постигнува голови и тоа навистина го сакам. За оваа награда се натпреваруваат сите играчи од европските првенства“, изјави Роналдо во интервју за „Де Телеграф“ во 2015 година.