Шаќири: Знаев што ме чека во Ливерпул

Швајцарскиот репрезентативец, Џердан Шаќири минатата сезона го напушти Стоук и одлучи кариерата да ја продолжи во дресот на Ливерпул.

Шаќири имаше неколку понуди, но на крајот го избра Ливерпул иако знаеше дека во тимот на Клоп ќе го чека тешка задача да се избори за место во првите 11.

Сепак, Шаќири порача дека бил свесен за она што го очекува во Ливерпул и дека со напорна работа ќе мора да го заслужи местото на теренот.

„Клоп не треба да се грижи дали сум среќен или не. Задоволен сум што работите одат добро за Ливерпул и бев свесен што ме чека кога доаѓав тука. Сигурно дека не сум задоволен со минутажата, бидејќи секој фудбалер сака што повеќе да игра. Имав и други понуди, но Ливерпул беше предизвик со кој сакав да се обидам“, изјави Шаќири.