Чудо во Србија: Црвена Звезда го брани Партизан!

Неочекувана реакција во Србија стигна од „Маракана“ после (не)фудалската сабота во соседството.

Ќе потсетиме, во текот на денешниот ден се појави вест дека Партизан размислува за напуштање на Суперлигата во Србија бидејќи црно-белите сметаат дека се измамени. Накратко тие вчера бараа натпреварот со Мачва да биде одложен. Од Суперлигата инсистираа натпреварот да се игра и им даваа гаранција дека денес ќе бидат одиграни сите останати натпревари, тоа не се случи.

Едно од деншните барања на Партизан е натпреварот со Мачва да биде поништен, а во ова нивно барање ги поддржа нивниот најголем ривал Црвена Звезда.

„ФК Црвена Звезда има разбирање за забелешките на ФК Партизан кои беа изнесени во нивното соопштение. Согласни сме ако прописите на ФСС тоа го дозвлуваат да се поништи нивниот вчерашен натпревар против Мачва и да им се овозможи натпреварот да се игра во друг термин. Се надевам дека таквата одлука ќе придонесе за смирување на страста во српскиот фудбал“, порача директорот на клубот од „Маракана“ Звездан Терзиќ.