„Чистка“ во Арсенал: Пред заминување седум фудбалери, меѓу нив и најскапото засилување

Според пишувањето на островските медиуми, Арсенал во летниот преоден рок ќе се обиде да се ослбоди од седум фудбалери, а помеѓу „вишокот“ е и Николас Пепе.

Најскапото засилување во историјата на клубот пристигна во 2019 година за 79 милиони евра од Ница, но на „Емирати“ целосно разочара и Артета повеќе не сака да чека да „проработи“.

Покрај него на листата непотребни фудбалери се: Мјитланд-Најлс, Алберт Самби Локонга, Нуно Тавареш, Пабло Мари, Седрик Сораеш и Алекс Рунарсон.

Пепе во Арсенал добива околу 650.000 евра месечно, а од своето доаѓање на 112 натпревари постигна 27 голови и подели 21 асистенција, Игра на позицијата десно крило и напаѓач, од актуелниот договор му останува уште една година. Во овој момент Пепе е позајмен во Ница.