Червар: Македонија е моја втора татковина, ќе навивам за момците на Кире

Лино Червар не ги крие симпатиите кон Македонија пред Европското првенство кое ќе стартува на 13. јануари.

Во разговор за „Моцарт Спорт“ Червар ги анализираше селекциите во регионот и испрати поддршка за Лазаров и Македонија.

„Искрено, јас ќе навивам за мојата втора татковина, Македонија. Мораме да сме објективни, репрезентацијата на Македонија поминува низ многу промени доаѓа смена на генерации. Тимот го води најголемата легенда во државата, Кире Лазаров. Кире е човек кој го сакам и почитувам, сите треба да го следат неговиот пример. Иако рано влезе во тренерските води мислам дека има квалитет да покаже многу. Сигурен сум дека на ниту една репрезентација нема да и биде лесно со Македонија“, изјави Червар.