Челзи не крена раце: Ќе успее ли оваа зима да го донесе долгопосакуваниот Бразилец од редовите на „Старата дама“?! (ВИДЕО)

Раководството на англискиот шампион Челзи, му понуди на Јувентус 56 милиони евра оштета за бразилскиот фудбалер, Алекс Сандро.

„Плавите“ и тренерот Антонио Конте и изминатото лето се обидоа да го ангажираат Бразилецот, но Јувентус ги одби сите понуди. Меѓутоа, медиумите на Апенините наведуваат дека раководството на „Старата дама“ ја променило одлуката и веќе оваа зима може да го пуштат Сандро.

Голем интерес за неговите услуги покажаа и Манчестер Јунајтед, и Манчестер Сити, но „Плавите“ засега нудат најмногу.

Сандро оваа сезона во 19 службени натпревари постигна еден погодок и запиша пет асистенции. Бразилецот во Јувентус пристигна во 2015. година од Порто за 26 милиони евра.