Челзи влегува во игра за потписот на Нејмар?

Oд Франција се погласи се најавите дека во ПСЖ ќе се обидат да го продадат Нејмар во летото кое следи.

Нејмар ја напушти Барселона и дојде во ПСЖ за да биде лидер, но неговите очекувања не се исполнија, а ситуацијата уште повеќе се промени од таа насока откако нов договор со ПСЖ потпиша Мбапе и во ПСЖ сакаат околу него да го градат тимот. Кога не сето тоа ќе се додаде дека во ПСЖ сега е и Меси, јасно е дека Нејмар е далеку од лидерска улога. Поради можеби и него ќе му одговара промена на средината.

„ЕСПН“ денес пренесува информација дека интерес за бразилскиот фудбалер почнал да покажува Челзи. Барселона секогаш се поврзува со Нејмар, но тие сега не се во игра поради финансиската ситуација и јасно е дека не можат да ги исполнат условите, ниту на ПСЖ, а ниут на Нејмар.Бразилецот може слободно да размислува за пазарот, а засега единствениот клуб што се појавува според „ESPN“ е Челзи.

И Челзи не се поврзува првпат со Нејмар, а сега тој би можел да биде првото големо вложување на новиот сопственик на „сините“. Претходно во медиумите на Островот се пишуваше дека новиот сопственик е спремен да вложи околу 200 милиони евра во засилување на играчкиот кадар.