Црвена Звезда одби да продаде уште еден фудбалер за десет милиони евра

Црвена Звезда одлучила да го задржи Осман Букари и да не ја прифати големата понуда од МЛС лигата за напаѓачот Осман Букари.

За одлично деснокрилен напаѓач се интересираа неколку руски клубови во текот на оваа земиан, а потоа се распрашувале и екипите на Чикаго Фајр и Лос Анџелес Галакси од МЛС лигата.

Последната понуда која пристигнала од САД за Букари изнесувала десет милиони евра, но за „Спортске.нет“ од Црвена Звезда потврдиле дека тој ќе остане во клубот.

„Дефинитивно Букари ќе остане. Тоа е наша конечна одлука. Десет милиони евра е навистина голема понуда, но титулата нема цена. Тука не се работи за тоа дали во иднина ќе добиеме повторно ваква понуда или пониска за Букари, се работи за тоа дека ни е неопходен за освојување на шампионската титула“, соопштиле помеѓу другото од Звезда.

Ќе потсетиме, Звезда неодамна продаде два фудбалери исто така за по десет милиони евра. Коста Недељковиќ потпиша за Астон Вила, а Јован Мијатовиќ беше продаден во Њујорк Сити.