Херој на денот: Играч на Фенер совлада два хулигани. Едниот имаше и ладно оружје

БРАЈТ ОСАИ-САМУЕЛ (26), десното крило на Фенербахче и нигериската репрезентација, е херојот на немирите, незапамтени ниту во дивиот турски фудбал. Стампедото и тепачката по дербито Трабзонспор – Фенербахче (2:3) во 30. коло од турскиот шампионат ја згрози турската и светската фудбалска јавност.

Доминик Ливаковиќ помина најлошо во хаосот. На голманот на Фенер и на хрватската репрезентација му е укажана помош во деветтата минута од судиското надополнување, а некој од трибините со непознат предмет, го удрил Ливаковиќ во главата, по што започна крварење.

Набргу потоа судијата означи крај, по што играчите на Фенербахче бурно ја прославија големата победа. Ова ги налути навивачите на Трабзон. Тие втрчаа во теренот од повеќе страни и ги нападнаа противничките фудбалери.

Додека некои од играчите гледаа да спасат жива глава и бегаа кон соблекувалните, на другиот крај од теренот Осаи-Самуел не побегна, туку покажа неверојатна храброст. Иако беше опкружен со десетици диви хулигани, тој им се спротивстави и самиот тргна во контранапад против нив. Тоа го направи спектакуларно и на тој начин се спаси себеси и соиграчите од тешки последици.

Here's a better clip of Bright Osayi-Samuel beating the crap out of his assailant. 😤pic.twitter.com/KXq9nr9aVh https://t.co/4RkvPy3BoC

— Football Report (@FootballReprt) March 17, 2024