Франција со Камвинга ќе гостува во Скопје!

Во ноември младата репрезентација на Македонија ја чекаат два квалификациски натпревари за пласман на ЕП 2023.

Селекторот Канатларовски веќе го објави списокот за натпреварите со Украина на 11. ноември и со Франција пет дена подоцна. Домаќини сме и на двата натпревари, првиот го играме на ФФМ терените, а вториот со Франција на Националната Арена.

Францускиот селектор Рисполи го објави списокот на повикани играчи и на него е најголемата ѕвезда во овој состав, играчот на Реал Мадрид Едуардо Камвинга. Ќе потсетиме Камвинга во финишот од преодниот рок за 30 милиони евра направи трансфер од Рен во Реал Мадрид.