ФОТО: Навивачот на Брајтон не можеше ниту да помисли дека ќе добие одговор од Обамејанг

Арсенал минатиот викенд доживеа уште едно непријатно изненадување со поразот од Брајтон на гости (2:1).

„Топчиите“ минатата недела се наоѓаат во голема резултатска криза, а тоа го покажаа и на натпреварот со Брајтон. Единствениот гол за Арсенал на овој натпревар го постигна Пјер-Емерик Обамејанг, кој неодамна пристигна од Борусија Дортмунд.

Обамејанг ја воодушеви јавноста во Англија по натпреварот со Брајтон. Имено, еден навивач на домашната екипа со интересен транспарент се обиде да добие дрес од напаѓачот на Арсенал, но во тоа не успеа. Но, откако се огласи на Твитер, веројатно не ни помисли дека така брзо ќе добие одговор од Обамејанг.

„Е Обамејанг, успеав дури да бидам и на Скај Спортс, но не го добив твојот дрес“, напиша детето Лука, а напаѓачот на Арсенал позитивно го изненади со одговорот: „Извини, те видов, но својот дрес го заменив со еден играч на Брајтон. Испрати ми твоја адреса и ќе добиеш мој дрес“.