ФОТО: Марадона не простува – Агуеро тргнат од семејната фотографија

Напаѓачот на Манчестер Сити, Серхио Агуеро во јавноста е познат по своите одлични игри во дресот на клубот од „Етихад“, но и по тоа што некогаш беше во врска со ќерката на легендарниот Диего Марадона.

Агуеро и ќерката на Марадона неколку години беа во љубовна врска, а потоа и се венчаа. Марадона тогаш го фалеше Агуеро на секој чекор, но тоа се промени во 2012. година кога Агуеро побара развод и одлучи да ја напушти својата тогашна сопруга.

Марадона доби внук Бенјамин, но и тоа не му помогна на Агуеро да ги изедначи односите со таткото на својата поранешна сопруга. Легендарниот Марадона воопшто не сака да разговара со Агуеро, а тоа најдобро ја покажува фотографијата на која лицето на Агуеро е обоено со црна боја.

Агуеро повеќе не е на семејните слики кои Марадона ги има во својата куќа. Имено, Марадона на секоја слика на која е Агуеро одлучи со црна боја да го обоја неговото лице.