Фелаини го тужи спонзорот – бара „луда“ отштета

Белгискиот репрезентативец и член на Манчестер Јунајтед, Маруан Фелаини најави тужба против произведувачот на спортска опрема „New Balance“.

Фелаини одлучи да покрене тужба против „New Balance“ откако наводно го оштетил стопалото бидејќи копачките му биле тешки.

Тој во 2012 година потпиша договор со оваа компанија и заработуваше 600.000 фунти годишно, а опремата од овој спонзор во главно ја користеше додека играше за Белгија.

Неговите адвокати сега поднесоа тужба против „New Balance“ наведувајќи дека Фелаини постојано морал да игра во копачки кои не биле удобни и кои му предизвикувале повреди,

Подоцна Фелаини го напушти овој бренд и се придружи на големото семејство на „Најк“, а доколку го добие судскиот спор „New Balance“ треба да му исплати 2,1 милиони фунти.