Три европски гиганти го сакаат Лингард

Џеси Лингард игра фантастично откако го напушти Манчестер Јунајтед и се пресели во Вест Хем.

Одличните игри на 28-годишниот офанзивен фудбалер не останаа незабележани, па според информациите на медиумите од Островот интерес за него покажуваат Реал Мадрид, ПСЖ и Интер.

Лингард постигна 8 гола и 3 асистенции на последните 9 меча за Вест Хем во Премиер лигата и е најзаслужен за добрите игри на „чеканите“.

Лингард има договор со Манчестер Јунајтед на уште една година, но јасно е дека за него нема место во тимот на Солскјер, па „црвените ѓаволи“ ќе го продадат на лето.

Челните луѓе на Јунајтед поставиле цена од 30 милиони евра, а неколку клубови се спремни да ја платат таа сума.