Трансфер „бомба“: Челзи добива фантастично засилување

Фудбалскиот клуб Челзи во јануарскиот трансфер период ќе се обиде да донесе големо засилување, пренесуваат англиските медиуми.

Имено, како што потврди и германски „Билд“, Челзи во јануари ќе тргне во офанзива по потписот на Артуро Видал од Баерн Минхен, кој според Антонио Конте би бил идеално засилување за неговиот тим“.

Видал во Баерн заработува 7,5 милиони евра по сезона, а весникот тврди дека „сините“ се спремни да му понудат двојно повеќе, односно неверојатни 15 милиони евра годишно.

Баерн е спремен да преговара бидејќи Чилеанецот следното лето ќе влезе во последната година од договорот. Притоа, Видал веќе наполни 30 години, па ова е последна прилика Баварците да заработат на неговата продажба.

Се уште не е откриена сумата која Челзи е спремен да ја понуди, но се претпоставува дека Баварците за неговата слобода ќе бараат околу 50 милиони евра.

„Билд“, кој е многу релевантен извор тврди дека Баерн не може да му понуди на играчот 15 милионие вра по сезона, па поради тоа е спремен да го пушти. Притоа Видал сака повторно да соравотува со Антонио Конте.