Тој е најскапата аквизиција на Барса, а Роналдо никогаш не чул за него!

Кристиано Роналдо наводно никогаш не слушнал за Осман Дембеле кој ова лето пристигна во Барселона како замена за Нејмар.

Барса за Дембеле плати 105 милиони евра плус додатни бонуси, со што Французинот стана најскапата инвестиција во историјата на каталонскиот клуб.

Како што тврди „Диарио гол“, Роналдо на соиграчите им рекол дека никогаш не слушнал за Дембеле и нагласил дека сите играчи Барса ги купува да играат за само за Меси.

„Сите тие доаѓаат да играат за Меси, така беше со Нејмар, така ќе биде и со новиот“, наводно им рекол Португалецот на соиграчите.

Изјавата на Роналдо е малку чудна бидејќи Дембеле беше член на Борусија Дортмунд и е француски репрезентативец.