Тоти: Рома е голем тим и ќе го покаже тоа против Барселона

Франческо Тоти и порача на Барселона дека ќе мора добро да се помачи за да ја исфрли Рома од Лигата на шампионите.

„Волчицата“ немаше среќа на ждребот и за противник во ¼ финалето ја доби Барселона, но Тоти порача дека неговата екипа има свои адути и дека мора да се победат најдобрите доколку го посакуваат трофејот во Лигата на шампионите.

„Среќен сум што сме помеѓу најдобрите тимови во Европа. Во оваа фаза секој противник е тежок. Знаеме дека Барселона е еден од најдобрите клубови во Европа, но знаеме и дека можеме да одиграме добро“, изјави Тоти и продолжи:

„На хартија Севиља и Ливрепул беа најдобрите противници за нас, но на теренот сето тоа изгледа поинаку. Сакаме да ја играме својата игра и да покажеме дека можеме да играме против Барселона. Сите очекуваат да бидеме елиминирани, но Рома е голем тим и ќе го покаже тоа“.

„Доколку сакаме да ја освоиме Лигата на шампионите мораме да играме против најдобрите и да ги победиме“, заврши легендата на Рома.