Тоти ги изненади фановите – Ќе станува тренер?

Познатата изрека „никогаш не вели никогаш“, Франческо Тоти ја почуствува на своја кожа.

Веројатно се сеќавате на изјавите на Тоти во кои тврдеше дека никогаш нема да работи како тренер, дури нема да работи ниту со деца.

Тоти тврдеше дека сака некоја одговорна функција во Рома и ја доби. Првиот чекор после неговото повлекување беше да стане директор во клубот, десна рака на Мончи. И го видовме Тоти во одело и во ложата, но изгелда дека не му е баш интересно.

Имено, легедната на Рома се запишал во тренерска школа. Тоа е првиот чекор кон станувањето на професионален фудбалски тренер, предавањата започнуваат во Рим во четврток и тука Тоти ќе добие вистинска тренерска лиценца без која не може да оди во Коверчано, на повисока тренерска школа каде што добива „А“ лиценца.

Легендата на италијанскиот фудбал може по скратена постапка да ја заврши тренерската школа, но мора прво да ги помине сите нивоа. Тоти започнува во четврток, а многу веројатно дека еден ден ќе го гледаме на клупата на Рома.