Тотенхем лесно против Хадершфилд, одлична партија на Сон (ВИДЕО)

Во рамки на 29. коло во Премиер лигата, во терминот од 16 часот, попладнево се одиграа пет натпревари.

Екипата на Лестер ремизираше со Борнмаут на домашен терен со 1:1. Првиот погодок беше дело на Кинг во 35. минута од мечот, а израмнувачкиот погодок го постигна Марез во 97. минута од мечот.

Саутемптон и Стоке одиграа без погодоци и така ги поделија бодовите по денешното коло, а Вотфорд славеше над ВБА со минимални 1:0. На тој меч единствениот стрелец беше Динеј во 77. минута.

На „Вембли“ очекувано Тотенхем славеше над Хадешфилд со 2:0. Двата погодоци на мечот ги постигна Сон Мин во 27. и 54. минута.

Најмногу погодоци беа забележани на мечот помеѓу Свонси и Вест Хем, каде домашниот тим славеше со 4:1. Ки Сонг Јонг го отвори резултатот во 8. минута, а водството за Свонси го зголеми Ван Дер Хорн во 32. минута. Кинг во 48. минута потоа погоди за веќе убедливи 3:0, а последниот погодок за Свонси беше дело на Ејв преку пенал во 63. минута. Почесниот погодок за лондонскиот тим го постигна Антонио во 79. минута.