Тони Кукоч конечно влезе во куќата на славните

Легендата на хрватската кошарка, Тони Кукоч, конечно влезе во Куќата на славните после седум неуспешни обиди. 

Еден од најдобрите играчи во историјата на кошарката влезе во класата 2021 заедно со Пол Пирс, Крис Бош, Крис Вебер и Бен Волас. Како тренери во оваа класа влегоа Бил Расел, Џеј Рајт и Рик Аделман.

Тони Кукоч беше номиниран уште во 2014 година од својот поранешен клуб Чикаго, но постојано беше игнориран и местото му го зимаа други играчи. Тони Кукоч освои три титули по ред со Чикаго булс и беше трипати по ред првак на Европа со тимот на Југопластика.

Во дресот на Југославија стигна до две европски злата во 1989 и 1991 година и до едно светско во 1990 година, а со Хрватска освои сребрен медал на Олимписките игри во Барселона во 1992 година.