Тевез: Ги жалам луѓето кои работат цел ден, ние фудбалерите можеме без плата и неколку години!

Големата ѕвезда на аргентинскиот фудбал Карлос Тевез е разочаран од она што се случува во светот поради пандемијата со коронавирусот.

Многу луѓе се без работа, економијата е на голем удар, а богаташите кои имаат срце се обидуваат да им помогнат на посиромашните од себе.

Карлос Тевез во текот на кариерата заврши многу, а сега сака да помогне на оние на кои им е најмногу потребно.

„Ова е вистинска катастрофа. Фудбалерите без плата можат да живеат и неколку години, жал ми е за луѓето кои стануваат во шест часот наутро и се враќаат во девет навечер за да го прехранат семејството. Ние фудбалерите сигурно дека можеме да помогнеме“, изјави Тевез.