Тажна вест: Почина кошаркарската легенда Мирко Новосел

Поранешниот селектор на Хрватска и Југославија, Мирко Новосел, почина на 86-годишна возраст.

Новосел беше врвен кошаркар и тренер, еден од најдобрите што ги имаше Хрватска.

Новосел ќе остане запаметен како најтрофејниот хрватски тренер. Со репрезентацијата во 1993 година освои бронза на Европското првенство во Германија, а една година претходно го освои среброто на Олимписките игри.

Беше и селектор на Југославија со која освои сребро на Олимписките игри во Монтреал во 1976 година, а во Москва во 1980 година освои злато.

Четири години подоцна во Лос Анџелес тој беше бронзен. Со Југославија освои и четири медали на светските првенства – сребро во 1974 година, злато во 1978 година и две бронзи во 1982 и 1986 година.

Тој е легендата на Цибона, која во 1985 и 1986 година стана европски првак со него на кормилото.

Во 1981 година го донесе Крешимир Ќосиќ во клубот и стана шампион на Југославија, а потоа освоија уште две титули и седум пехари во Југославија.