Судиите одлучија: Победата на Верстапен е чиста!

Холандскиот воач Макс Верстапен може да продолжи да ја слави победата на трката за големата награда на Австрија бидејќи истата нема да му биде одземена.

Верстапен оствари победа откако на три круга пред крајот го претекна Леклерк, но неговото претекнување беше дискутабилно со оглед на тоа што во таа прилика го исфрли возачот на Ферари надвор од стазата.

Сепак, откако судиите цели три ипол часа одлучуваа дали потегот на Верстапен е исправен или не, донесена е одлука дека се е во ред и победата да остане во рацете на Макс.

„Ниту еден возач не е виновен за инцидентот.“ – се наведува во соопштението.

Да потсетиме, Верстапен веднаш после трката рече дека е сигурен дека неговиот потег е чист.

„Ако вакви работи не се дозволени, тогаш е подобро да останеме дома. Тогаш која е поентата на тркањето?“ – изјави Верстапен.

(#F1 #AustrianGP) Max Verstappen TAKE THE LEADS!!! pic.twitter.com/ftXN5JIfCo

— Formula1 Videos (@518mc) June 30, 2019