Срушен рекордот на Тиери Анри: Бензема е новиот француски рекордер

Реал Мадрид во еден од најинтересните натпревари во шпанската Примера во 15. коло ја совлада Севиља со 2:1.

Рафа Мир ја доведе Севиља во водство во 12. минута, но 20 минути подоцна работите на почетокот ги врати Карим Бензема. Победничкиот гол за Реал Мадрид во 87. минута со одличен удар го постигна Винисиус Жуниор и така ги остави „кралевите“ на првата позиција на табелата.

Со вчерашниот гол Бензема влезе во историјата на Франција. Имено, ова му беше 361 гол во клупскиот фудбал со што се издвои на листата на француските фудбалери пред легендарниот Тиери Анри кој има 360.

295 голови Бензема постигна за Реал Мадрид, а преостанатите 66 во дресот на Лион од каде што во 2009 година дојде на „Бернабеу“.