Тиери Анри го пофали Фоден и го „пецна“ Халанд

По ремито на Манчестер Сити со Реал во Мадрид, Фил Фоден е фудбалерот кој добива пофалби, додека се критикува Ерлинг Халанд.

Претходно Рафаел Ван Дер Варт се огласи тврдејќи дека Халанд го нема никаде во најважните натпревари (ТУКА). Сега Тиери Анри се надоврза на него објаснувајќи дека Фоден мора се сам да прави во нападот во тие натпревари.

„Што повеќе може да се каже за Фил Фоден оваа сезона, кога недостасува Ерлинг Халанд или кога е повреден Де Брујн, тој го носи тимот на својот грб. Сега е јасно дека зборуваме за играч од светска класа бидејќи тој е подготвен да го носи целиот тим сам во најважните натпревари“, изјави Анри.

Не треба да заборавиме дека Фоден ја игра сезоната во кариерата, досега на 45 натпревари постигна 22 гола и додаде 10 асистенции, а има само 23 години и пред него ако продолжи вака е фантастична кариера.