Солскјер за трансферите: Можеби двајца, тројца ќе си заминат

Менаџерот на Манчестер Јунајтед, Оле Гунер Солскјер изјави дека најверојатно нема да има нови засилувања на „Олд Трафорд“ во јануари.

Меѓутоа, менаџерот на „црвените ѓаволи“ исто така потврди дека двајца тројца фудбалери ќе си заминат во овој преоден рок.

„Мислам дека засилувањата кои ги донесовме во летото одлично го засилија тимот. Донесовме добри играчи, добри карактери. Во јануари секогаш е тешко на пазарот, нема многу клубови кои сакаат да продаваат во јануари. Малку е веројатно дека ќе дојде некој нов, можно е двајца-тројца да си заминат во овој преоден рок“, изјави Солскјер.