Случајност или не, Роналдо ги „подгреа“ шпекулациите?!

Португалецот повторно е тема број еден во светските медиуми.

Евентуалното заминување на Кристиано Роналдо од Реал Мадрид е тема за кој зборува целиот фудбалски сцет, а сега самиот Роналдо дополнително ги зголеми шпекулациите.

Англискиот „Дејли Мејл“ пишува дека последниот потег на Роналдо е дополнителна причина за грижа на клубот од Мадрид.

Имено Роналдо ја промени својата фотографија на Инстаграм на која беше во дресот на Реал, сега е во дресот на Португалија. Бројни англиски медиуми се прашуваат дали Португалецот ова го направил намерно и свесно, бидејќи е навистина разочаран од поддршката од страна на клубот во текот на обвинувањата за затајување на данок.

Сепак не треба да се заборави дека започна Купот на Конфедерации на кој учествува и репрезентацијата на Португалија, па можеби Роналдо сакаше само да даде до знаење дека во овој момент посветен е само на настапите за репрезентацијата.