Си го оствари сонот: Индиец на 43 години освои грен-слем и стана прв во светот

Индискиот тенисер, Рохан Бопан изминатата недела испиша историја во тенисот. Зад 43-годишниот тенисер е неговата најдобра недела во кариерата.

За еден месец Бопан ќе наполни 44 години, а роденденот ќе го прослави како прв тенисер во светот во двојки. До првото место во конкуренција во двојки дојде откако го освои Австралија Опен што за него беше прв грен-слем во кариерата.

Тениската кариера ја започна пред 21 година во двете конкуренции, но брзо повеќе се насочи во парови и од поединечна конкуренција се откажа по само 48 одиграни професионални мечеви.

Низ годините прерасна во еден од најдобрите тенисери кога се паровите во прашања, но сега првпат дојде до овие два големи јубилеја (освоен грен-слем и прво место на листата). Титулата на Австралија Опен ја освои во пар со Метју Еден со кого во финалето ги совладаа Симоне Болеле и Андреа Вавасори. Низ годините за да дојде до својот прв грен-слем трофеј му беа потребни 61 обид и 19 различни партнери.

Заедно во пар со Еден, Бопан во минатото го освои и Индијан Велс. Тогаш заслугите за освојувањето на титулата ги препиша на посебното индиско кафе кое го конзумираше во текот на турнирот.

„Индиско кафе пијам секогаш, каде и да патувам, тоа не е тајна. Најважната работа после секој меч е добро да се опоравиш, навистина многу ми помогна“, изјави Бопан во една прилика.