Сити спреми астрономска понуда за Халанд

Приоритет на Манчестер Сити во летниот преоден рок ќе биде доведување на врвен напаѓач, а прва цел е Ерлинг Халанд.

Според медиумите во Англија, Сити планира да ја активира откупната клаузула која изнесува 75 милиони евра, а има силен адут како да ја победи конкуренцијата.

Имено, „граѓаните“ на Норвежанецот му нудат астрономска плата од 24 милиони евра по сезона.

За Халанд уште се заинтересирани Реал Мадрид, Јувентус и Манчестер Јунајтед, но овие клубови тешко дека ќе можат да ја израмнат понудата.

Халанд тешко дека ќе може да ја одбие ваквата понуда, па поради тоа Сити важи како фаворит за неговиот потпис.