Серена експресно во полуфинале на УС Опен

Американкаската тенисерка Серена Вилијамс ќе игра во полуфиналето на УС опен, откако лесно ја победи Ванг Кианг со 2:0.

Вилијамс на ривалката и препушти само еден гем во првиот сет и експресно за само 44 минути се пласира во полуфиналето.

Во полуфиналето Вилијамс ќе се соочи со Украинката Елина Свитолина, која до своето второ полуфинале во низа на Грен слем турнирите, стигна со победата над Британката, Јоана Конта во два сета со идентични 6-4 и 6-4.