Капитенот на португалската фудбалска репрезентација Кристијано Роналдо изјави дека и покрај 39-годишна возраст се гледа себеси во стартниот тим на Португалија, која сака да ја освои Лигата на нации.
Португалија и Хрватска во четврток од 20:45 часот во Лисабон ќе одиграат натпревар од првото коло од елитното ниво на Лигата на нации.
Исхрана, повреди и тренинг – совети од доктор по спортска медицина | Уште еден поткаст
„Самоовербата е голема. Одигравме добро на Европското првенство, а сега имаме два добри теста на домашен терен, што е добро“, изјави Роналдо на прес-конференцијата во таборот на репрезентацијата.
Португалија, која пред два месеци на ЕП беше елиминирана во четврт-финалето од Франција на пенали, оваа недела во Лигата на нации ќе игра и со Шкотска.
Би сакал стадионот да биде полн, тоа би било знак дека навивачите се со нас на почетокот на новиот циклус“, изјави напаѓачот.
Роналдо, кој со Португалија го освои Европското првенство во 2016 година и Лигата на нации во 2019 година, е најстариот играч во тимот во кој има млади млади.
„Отсекогаш било важно да се интегрираат помладите играчи. Откако сум тука, помладите секогаш биле добро примени. Мојата улога останува иста, да им помагам на оние што доаѓаат“, рече напаѓачот.
„На многу млади им е непријатно да разговараат со мене. Пред малку го видов Квенда, 17-годишно дете. Отидов кај него и му реков: ‘Дали се опорави од играта?’ Тој се засрами. Во репрезентацијата сум постар брат, а за некои татко“, рече Роналдо низ смеа.
Учество во игри на среќа е дозволено за лица со 18+ години. Играј одговорно!