Ромелу Лукаку влезе во голгетерски пост, Мурињо знае во што е проблемот!

За англиските медиуми во последно време интересна е формата на напаѓачот на Манчестер Јунајтед, Ромелу Лукаку.

После фантастичниот старт и 11 погодоци на 10 натпревари во црвениот дрес, Лукаку се поретко се запишува во листата на стрелци. Белгиецот во вториот 11 натпревари противничката мрежа ја затресе само три пати.

Логично, Жозе Мурињо има причина да биде загрижен. Лукаку беше човекот кој требаше да биде носител на играта и за кого Јунајтед плати 85 милиони евра.

Како што островските медиуми наведуваат, од доаѓањето на „Олд Трафорд“ Лукаку ја зголемил својата килажа за четири килограми, па Португалецот побара објаснување од клупските доктори. Тие ќе направат детална анализа, но сметаат дека се работи за тежина добиена преку одењето во Теретана и дека не е во прашање лоша исхрана или пак вишок на телесни маснотии во телото.

Кога почна голгетерскиот пад на Лукаку?

Наводно се започнало откако Лукаку започнал да работи подобрување на физичката сила. Поради тоа Мурињо смета дека Белгиецот ја изгубил брзината.