Рома се насочува кон ѕвездата на Бундес лигата

Откако останаа без Малком, раководството на Рома тргна по друго засилување за нападот, а новата цел на „волчицата“ е ѕвездата на Леверкузен, Леон Баили.

20-годишниот Јамајканец минатата сезона блесна во Бундес лигата и го привлече вниманието на многу европски гиганти, а Рома е спремна да испрати понуда до „фармацевтите“.

„Волчицата“ сака што е можно побрзо да го комплетира трансферот, но нема да биде лесно бидејќи Леверкузен бара 50 милиони евра за неговата слобода.

Италијанските медиуми тврдат дека Рома е спремна да понуди 40 милиони евра, па наскоро двата клуба ќе започнат преговори за трансферот.