Родриго откри како Модриќ го „пецнал“ Салах после финалето во ЛШ

Крилото на Реал Мадрид, Родриго откри интересна анегдота од финалето во Лигата на шампиони против Ливерпул.

Реал ги победи „црвените“ со 1:0, а Модриќ после мечот го „пецнал“ Мохамед Салах, кој даваше неумерени изјави пред финалето.

Како што е познато Египќанецот се закануваше со одмазда за поразот во финалето од 2018 година, но повторно беше поразен.

„Кога заврши финалето во Лигата на шампиони направивме шпалир за играчите на Ливерпул. Салах поминуваше со наведната глава, а Модриќ, кој беше од другата страна, го поздрави и му рече: Следниот пат обиди се повторно“, откри Родриго.

„Кога некој те провоцира сакаш да победиш уште повеќе. Неговите изјави ни беа мотивација. За време на тренинзите се шегувавме „Дојди Салах, дојди Салах““, додаде Бразилецот.

🗣️ Rodrygo: "After the final, when we were giving a guard of honor to Liverpool, Salah was coming a bit sad, head down, and then Modric looked at him and said 'Thanks Salah, try again next time.' He provoked us before the final and we were not having it." @Podpah pic.twitter.com/Cot4dbclWp

— Infinite Madrid (@InfiniteMadrid) June 17, 2022