Родригез го напушта Баерн, донел одлука каде сака да продолжи?

Од почетокот на сезоната се зборува за тоа каде Џејмс Родригез би можел да ја продолжи кариерата.

Колумбиецот е на двегодишна позајмица од Реал, иако во првата сезона собра солидна минутажа во дресот на Баерн оваа година кај Нико Ковач не е стандарден.

Офанзивниот играч за врска неодамна откри дека од Минхен ќе замине само во случај да не добие нова прилика, а изгледа сфатил дека нема да ја има.

Наводно, голема желба на Родригез е да се врати во Мадрид, така тврди и колумбискиот новинар Џејмс Гати.

Според тврдењето на новинарот Гати, Родригез му открил дека сака да се врати во Мадрид и да остави подобар впечаток отколку во првиот мандат на „Бернабеу“.

Солари така, доколку остане би можел да добие неочекувано засилување за наредната сезона бидејќи очекувањата беа Баерн Минхен да го откупи Колумбиецот.