РОДЕН ЗА ГОЛЕМИ РАБОТИ: Ова е вистински доказ за тоа колку Ибрахимовиќ е ГОЛЕМ!

Само 20 минути му беа доволни на Златан Ибрахимовиќ да предизвика вистинска хистерија во Лос Анџелес.

Да го отпишете не смеете никогаш, а Мурињо сигурно дека веќе се покаја. Швеѓанецот со 36 години и понатаму игра одлично, а тоа синоќа го потврди. Влезе од клупата на резултат 1:3 за градскиот ривал ФК Лос Анџелес и во судиското продолжение со неговиот втор гол на натпреварот му донесе голем пресврт и триумф на својот нов тим ЛА Галакси од 4:3.

Без еден вистински тренинг, во последните години од неговата кареира, со скршено колено, во дебито повторно погоди. И тоа два пати. Неверојатно, но вистинито. Каде и да дојде прави незаборавно шоу, а така беше и синоќа. Навистина ретко кој играч може да се пофали дека е брилијантен во секој клуб, а Ибра е – од Малме, Ајакс, Јувентус, Интер, Барселона, Милан, ПСЖ, Манчестер Јунајтед па до – Лос Анелес.

Постигна гол речиси на секое деби, само за Ајакс и Милан не успеа во првиот натпревар, за сите останати споменати клубови погодуваше на дебито, но ниту еден гол во дебито за новиот клуб не беше како овој во Калифорнија. Тоа беше холивудско. Постигнуваше прекрасни голови и ќе се памти по тоа, а секако се издвојува оној кога во дресот на Ајакс ја помина пола противничка одбрана. Или оној против Англичаните во дресот на Шведска, односно „ножичките“ од 30. метри… Ова е уште еден доказ дека класата е вечна.