Репрезентативецот на Словенија му одговори на Вучиќ

Словенечкиот репрезентативец Жан Карничник се огласи откако беше спомнат од претседателот на Србија Александар Вучиќ.

Вучиќ додека зборуваше за настапот на српската репрезентација за натпреварот со Словенија кажа дека неговата репрезентација примила гол од играч на Целје кој има плата 5.000 евра месечно.

„Да, го слушнав тоа, секаде кружи таа снимка. Можам само да го поздравам, сметам дека е разочаран, па затоа проверил и знае колкава ми е платата. Не можам нешто повеќе да додадам“, изајви словенечкиот репрезентативец.

Ќе потсетиме, Словенија ја помина групната фаза и во осминафиналето на Европското првенство ќе игра против Португалија.