Рекордите кои ги сруши Јокиќ во првиот натпревар од финалето против Мајами

Денвер го победи Мајами во првиот натпревар од големото финале во НБА лигата.

Лидер на Денвер и во овој натпревар беше Никола Јокиќ, српскиот центар оствари трипл-дабл, а успеа да сруши и неколку рекорди.

Никола Јокиќ и Леброн Џејмс се единствените двајца играчи во последните 25 години кои на полувремето во еден финален натпревар имале 10+ поени и 10+ асистенции.

Јокиќ стана осми играч во историјата кој направил трипл-дабл на стартот од финалето, но никој не постигнал 27 поени.

Српскиот кошаркар стана само вториот играч во историјата НБА кој во финалето дебитирал со трипл-дабл учинок. Првиот беше Џејсон Кид.

Со 14 асистенции Јокиќ е центарот со најмногу асистенции во прв натпревар во НБА финале.

Само три играчи во НБА лигата во текот на еден плје-оф имале 450+ поени, 200+ скокови и 150+ асистенции. Тоа се Лери Бирд, Леброн Џејмс и Никола Јокиќ.

Вториот натпревар од финалната серија се игра ноќта помеѓу недела и понеделник од два часот наутро.