Реал ја сака ѕвездата на Баерн Минхен

Реал Мадрид покажува сериозен интерес за ѕвездата на Баерн Минхен и германски репрезентативец, Џошуа Кимих, пренесуваат шпанските медиуми.

Реал во минатото направи две одлични зделки откако од Баерн Минхен најпрво го доведе Тони Крос, а потоа и Алаба.

Сега Перез го сака Кимих да биде наследник на Тони Крос, кој ќе го продолжи договорот на уште една сезона со „кралевите“.

Кимих има договор со Баерн до 2025 година, а следното лето ќе влезе во последната година од договорот и Реал сака да ја искористи таквата ситуација.

Ова лето Реал ќе го доведе Белингам, а следното сака да го купи Кимих и двајцата да бидат наследници на Крос и Модриќ.