Рамос и Меси повторно во ист клуб?

Легендарниот шпански дефанзивец, освојувач на сите најважни трофеи во фудбалот, Серхио Рамос и официјално е слободен играч од почетокот на јули откако му истече договорот со Пари Сен Жермен.

Првичните информации за 37-годишниот Рамос највуваае неговото враќање во Севиља, но сега работите изгледаат поинаку.

Според шпанскиот „Спорт“, Рамос добил понуда од Интер Мајами и моментално е најблиску до одлука да се пресели на Флорида и да зигра во американската МЛС лига.

Во Мајами го чека голем ривал од Барселона, но и соиграч од Пари Сен Жермен, Лионел Меси, а тука е и поранешниот капитен на каталонскиот гигант Серхио Бускетс.

Преговорите меѓу Рамос и клубот на Бекам одат во добра насока и може да се очекува зделката наскоро да биде комплетирана, барем според тврдењата на медиумите од оваа земја.