Пари Сент Жермен не се откажува од намерата да го доведе дефанзивецот на Интер, Милан Скриниар, пренесуваат италијанските медиуми.
Словакот беше главна трансфер цел на ПСЖ ова лето и „светците“ испратија неколку понуди, но сите беа одбиени од страна на Интер.
Шанса да станеш YouTuber! Приклучи се! ↓↓↓
„Нероаѕурите“ за слободата на Скиниар сакаа да добијат најмалку 70 милиони евра, додека ПСЖ не понуди повеќе од 60 милиони евра со вклучени бонуси.
Меѓутоа, проблем за Интер е што Скриниар влезе во последната година од договорот и веќе во јануари може слободно да преговара со заинтересираните клубови.
ПСЖ има договор со дефанзивецот и му нуди плата од 10 милиони евра по сезона, сума која Интер не може да си ја дозволи во моментов.
ПСЖ ќе се обиде со одредена сума да го добие Скриниар во јануари или во спротивно ќе го донесе следното лето без обештетување.
Учество во игри на среќа е дозволено за лица со 18+ години. Играј одговорно!