ПСЖ во проблеми: Тројца отпаднаа за дуелот со Баерн

ПСЖ вечерва во Париз ќе го пречека Баерн во рамките на реванш натпреварот од четвртфиналето во ЛШ.

Парижаните имаат 3:2 од првиот дуел, но Баерн според многумина и натаму е фаворит и покрај фактот што го нема Левандовски.

Проблеми со играчкиот кадар има и Маурисио Покетино. Тој за вечерашниот натпревар нема да може да смета на Маркињос, Курзава и Икарди, додека во составот се вратија Верати, Флоренци и Диало.

Маркињос, Курзава и Икарди се повредени, како и Бернат од поодамна. Во прашање беше и настапот на Кејлор Навас, откако се повреди на лигашкиот натпревар против Стразбург, но се чини дека со него е се во ред.