Екипата на Челзи би можела да биде значително ослабена во големото дерби против Манчестер Сити со оглед дека напаѓачот на овој тим, Алваро Мората има проблеми со повреда.
Мората се повреди пред крајот на натпреварот од Лигата на шампионите кој Челзи го доби против Атлетико Мадрид со 2:1 на гостински терен. Токму, Шпанецот беше еден од стрелците за својот тим.
Пред дербито, падна најважниот потпис во Манчестер Сити! ↓↓↓
Изгледа дека повредата на Мората сепак не била толку безопасна, па тој би можел и да го пропушти големото дерби кое на програмата е овој викенд. Од друга страна во Челзи се надеваат дека докторите на клубот од Лондон ќе успеат да го доведат Мората во состојба да може да настапи во еден од најважните натпревари за Челзи во досегашниот дел од сезоната.
Да потсетиме, Мората за краток период стана еден од најважните фудбалери на „сините“ бидејќи на досегашните осум натпревари веќе постигна седум погодоци. Дербито против Манчестер Сити се игра во сабота со почеток од 18:30 часот.
Учество во игри на среќа е дозволено за лица со 18+ години. Играј одговорно!