Пресметано кој е најлошиот тим во НБА во последната деценија

Со почетокот на 2020 година влеговме во третата деценија од овој век, па статистичарите во САД решија да пресметаат кој тим бил најлош во минатата деценија.

Без никаков сомнеж првото место му припаѓа на Сакраменто кингс, кој официјално беше прогласен за најлош тим во минатата деценија.

Сакраменто во тој период запишаа дури 517 порази, а нема ниту една екипа која е блиску до нив. Покрај тоа, тие се единствена франшиза која во минатата деценија не успеала да се пласира во плејофот.

Некои тие неуспеси им ги препишаа на очајните избори при НБА-драфтот, а за тоа сведочи и тоа што во 2018 година го драфтуваа анонимниот Марвин Бигли наместо Лука Дончиќ.