Пресврт: Балотели пред трансфер кај Берлускони!

Овие денови многу се пишува за Марио Балотели и неговиот нов клуб.

Балотели на големо се поврзуваше со бразилскиот тим Васко Де Гама, директорот на овој тим и потврди дека преговараат со италијанскиот напаѓач. Сепак, познатиот Џанлука Ди Марцио најавува пресврт во ситуацијата.

Ди Марцио тврди дека Балотели ќе игра во Серија Б и дека веќе почнал да тренира со екипата на Монца. Секако, главна причина за ваквиот развој на настаните се Силвио Берлускони и Адријано Галијани кои ја водат Монца. Во Монца тренер е Кристијан Броки, а дел од тимот е и Кевин Принс Боатенг.

Монца има амбиции да се пласира во Серија А и останува да видиме дали ќе ги остварат во оваа сезона.